ОН ѝ испратија 23 камиони со хуманитарна помош на Сирија

ХАТАЈ

Обединетите нации (ОН) денес испратија 23 камиони со хуманитарна помош на народот во Сирија, јавува Агенција Анадолија (АА).

Камионите на патот кон Идлиб, Сирија, го поминаа Граничниот премин „Чилвеѓозу“ во Хатај, во јужниот дел на Турција.

Помошта ќе биде доставена на народот во Идлиб и неговата околина.

Сирија е заробена во жестока граѓанска војна уште од почетокот на 2011 година, кога режимот на Башар ал Асад презеде мерки со неочекувана свирепост кон продемократските протести.

Идлиб спаѓа во деескалационата зона според договорот од 2018 година склучен меѓу Турција и Русија. Подрачјето беше предмет на повеќе спогодби за прекин на огнот, кои често беа прекршувани од страна на режимот на Асад и неговите сојузници.