Туркије се сеќава на дипломатот убиен од ерменска терористичка група во 1980 година

АНКАРА (АА) - Туркије се сеќава на еден од своите дипломати и неговата ќерка кои беа убиени од ерменска терористичка група во 1980 година, пренесува Анадолу.

„Со почит се сеќаваме на нашите маченици, административното аташе на турската Амбасада во Атина, Галип Озмен, и неговата ќерка Неслихан Озмен, убиени од ерменската терористичка организација АСАЛА на 31 јули 1980 година“, објави турското Министерство за надворешни работи на Твитер.

Озмен беше убиен заедно со неговата 14-годишна ќерка, додека неговата сопруга Севил Озмен и неговиот 16-годишен син Каан Озмен, исто така, беа тешко повредени, но успеаја да преживеат.

Основана во 1975 година во Бејрут, Либан, за време на либанската граѓанска војна, АСАЛА е одговорна за стотици крвави терористички акти.

Во периодот 1975-1984 година турските амбасадори и дипломати беа цел на ерменски терористички групи низ светот.

АСАЛА уби над 30 турски дипломати и официјални лица во различни напади во текот на таа деценија. Ерменските терористички акти се интензивираа од 1980 до 1983 година, кога се случија 580 од 699 напади. Терористичките напади завршија во 1986 година.