Merve Gül Aydoğan Ağlarcı
21 Декември 2022•Ажурирај: 22 Декември 2022
АНКАРА (АА) - Туркије денеска изрази загриженост за одлуката на Талибанците да им забранат на жените да се запишуваат на универзитети во Авганистан, јавува Агенција Анадолија (АА).
„Тажни сме и загрижени поради забраната за образование на студентки во високото образование во Авганистан“, се вели во писменото соопштение на турското Министерство за надворешни работи.
Во соопштението се нагласува дека образованието е основно човеково право од кое сите треба да имаат корист без дискриминација, а врз основа на еднаквост и никому не треба да му се одзема.
Министерството ги повика авганистанските власти да ја преиспитаат одлуката и да ги преземат неопходните чекори за тоа.
Министерството за високо образование на Талибанците ја објави забраната за универзитетско образование на жените, со стапување на сила во вторник до понатамошно известување, дополнително исклучувајќи ги жените од јавниот живот.
