ИСТАНБУЛ (АА) - На ТЕХНОФЕСТ Истанбул третиот ден од активностите на фестивалот ќе присуствува и претседателот на Турција, Реџеп Таип Ердоган, известува Анадолу.

Најголемиот светски фестивал за авијација, вселена и технологија ТЕХНОФЕСТ, организиран под водство на Министерството за индустрија и технологија и Фондацијата на Турскиот технолошки тим (Фондација Т3), со Агенција Анадолу како глобален комуникациски партнер, продолжува да ги пречекува посетителите на аеродромот Ататурк во Истанбул. Претседателот на Турција Реџеп Таип Ердоган ќе присуствува на ТЕХНОФЕСТ и ќе ѝ се обрати на публиката во текот на денот.

- Пријавени се 1,1 милион натпреварувачи

ТЕХНОФЕСТ Истанбул се издвојува со своите натпреварувачки категории кои го поддржуваат технолошкиот развој во критичните области. Тимовите што ќе ја поминат фазата на претселекција на натпреварите, кои ќе се одржат во 58 главни и 137 поткатегории, ќе добијат дел од финансиската поддршка чија вкупна вредност изнесува над 85 милиони лири (1.650.000 евра). Највисоко рангираните тимови ќе добијат награди во вкупна вредност од над 65 милиони лири (1.330.000 евра).

Повеќе од 565.000 тимови и 1.100.000 натпреварувачи што сакаат да ги остварат своите соништа се пријавија за технолошките натпревари што се одржуваат како дел од ТЕХНОФЕСТ Истанбул.

- Одржување на бројни настани, од воздухопловни претстави до концерти

ТЕХНОФЕСТ, кој досега пречека речиси 11 милиони посетители, во Истанбул е домаќин на активности за сите возрасти, од мали деца до тинејџери, семејства до ентузијасти за технологија.

Фестивалот вклучува воздухопловни претстави, концерти, сценски изведби, едукативни работилници, симулациски области за искуство, планетариум, научни претстави, Временскиот тунел ТЕХНОФЕСТ, изложба на националните поморски, копнени и воздухопловни возила и специјално искуство со прв лет за студенти.

Познатиот турски пејач Кирач ќе има свој настап за љубителите на музиката на фестивалската сцена на 19 септември во 19:00 часот по локално време.

- СОЛОТУРК и „Турските ѕвезди“ на небото над Истанбул

На ТЕХНОФЕСТ Истанбул ќе бидат изведени воздухопловни претстави со летала на Турција, производ на воздухопловната и одбранбената индустрија. Третиот ден од ТЕХНОФЕСТ, воздухопловна претстава ќе изведат авионите „СОЛОТУРК“ и „Турските ѕвезди“, како и борбените авиони Ф-16.

На фестивалот се претставени и хеликоптерите АТАК, ХУРКУШ, АНКА, Бајрактар ТБ2, Бајрактар ТБ3 и Бајрактар АКИНЏИ.

Влезот на ТЕХНОФЕСТ Истанбул е бесплатен, а посетителите мора да се регистрираат онлајн. Времето за влез и излез за посетителите во просторот на настанот ќе биде помеѓу 9:00 и 19:00 часот. Користењето на јавниот превоз им овозможува на посетителите брз и лесен пристап до просторот на фестивалот.