КАХРАМАНМАРАШ (АА) - Спасувачките екипи спасија 74-годишна жена во Кахраманмараш од под урнатините на зграда, 227 часа по разорните земјотреси кои ги потресоа јужните делови на Туркије, јавува Анадолу.
Два разорни земјотреси, првиот со интензитет од 7,7 степени по Рихтер, во понеделникот наутро во 4:17 часот по локално време, со епицентар во округот Пазарџик, и вториот во 13:24 часот, со интензитет од 7,6 степени по Рихтер, со епицентар во местото Елбистан, ги потресоа јужните делови на Туркије. Епицентрите на земјотресите се регистрирани во турската област Кахраманмараш. Бројни спасувачки екипи сѐ уште ревносно работат на пребарување и спасување на луѓето затрупани во урнатините на зградите.
Успешната акција на спасување 227 часа по земјотресите ја изведоа спасувачите од Кастамону и Сакарија кои прво ја лоцираа Џемиле Кекеч, а потоа ја извлекоа од под урнатините на шесткатна зграда во градот Дулкадироглу.
Спасувачите ја предадоа спасената 74-годишна Џемиле на амбулантното возило каде што ѝ е укажана прва помош, а потоа е префрлена во болница.
