Ердоган во турскиот град Ескишехир отвори 46 нови фабрики

ЕСКИШЕХИР

Претседателот на Турција, Реџеп Таип Ердоган, денеска престојува во градот Ескишехир, каде што отвори 46 нови фабрики, јавува Агенција Анадолија (АА).

Во индустриската зона на турскиот град Ескишехир се реализираше свечено отворање на 46 фабрики, меѓу кои и фабриката за бела техника ХАЈЕР (HAIER).

Ердоган во текот на обраќањето кажа дека Турција и понатаму ќе биде стабилна земја за вложување.

„Сите што вложуваат во Турција ќе продолжат да остваруваат добивка“, порача Ердоган.

• „Турција сигурно ќе биде една од десетте најголеми економии на светот“

Им се обрати и на оние што очекуваат и се надеваат дека Турција ќе потклекне.

„На оние што се надеваат и чекаат нашата земја да потклекне им порачувам премногу да не се возбудуваат, никој нема моќ да ја наруши климата и довербата во оваа земја“, рече Ердоган, и додаде:

„Не постои товар кој не можеме заедно да го поднесеме со нашите претприемачи, кои ѝ даваат сила на нашата заедничка моќ и тие се носечки столбови на големата и моќна Турција.“