Во Турција уапсени 15 припадници на ДЕАШ

КИРШЕХИР (АА) - Турската полиција во централната област Киршехир приведе 15 лица, кои се сомничат за поврзаност со терористичката организација ДЕАШ, јавува Агенција Анадолија (АА).

„Осомничените, кои влегле во Турција илегално и биле активни во Ирак, се фатени во истовремени операции од страна на антитерористичките тимови во Киршехир“, велат извори, кои зборуваа под услов за анонимност.

Во 2013 година Турција беше меѓу првите земји што ја ставија ДЕАШ на листата на терористички организации.

Земјата досега повеќепати беше цел на напади на ДЕАШ и тоа на најмалку 10 самоубиствени напади, 7 бомбашки напади и на 4 вооружени напади, во кои загинаа најмалку 315 луѓе, а стотици беа повредени.

Турските безбедносни сили спроведуваат одлучна борба против терористичката организација во земјата, како и надвор од неа.