Во Истанбул протести против посетата на германскиот претседател Штајнмаер

ИСТАНБУЛ (АА) - Германскиот претседател Франк-Валтер Штајнмаер, кој е во посета на Туркије, беше исвиркан од група пропалестински демонстранти во Истанбул поради политиката на неговата земја за поддршка на Израел, јавува Анадолу.

Штајнмаер за време на престојот во Истанбул, придружуван од градоначалникот на Истанбул, Екрем Имамоглу, ја посети железничката станица Сиркеџи, симболично како место од каде што првите работници од Туркије заминаа за Германија во 1961 година.

Група пропалестински демонстранти се собраа во близина на станицата и го изразија своето незадоволство од доаѓањето на Штајнмаер, во контекст на поддршката на неговата земја за Израел, кој продолжува да ги напаѓа цивилите во Појасот Газа.

Групата извикуваше слогани: „Убиец германски, бегај од Туркије“ и „Германија е убиец и виновна за геноцид“.

Првата станица на германскиот претседател Штајнмаер во неговата тридневна посета на Туркије е Истанбул.

Штајнмаер ќе одржи состаноци во Истанбул, Газиантеп и Анкара за време на неговата посета на Туркије по повод 100-годишнината од воспоставувањето на дипломатските односи меѓу двете земји.