Бројот на германски туристи во Анталија достигна повеќе од 1 милион

АНКАРА (АА) - Познатата туристичка дестинација во Туркије, Анталија, досега оваа година пречека над милион германски туристи, истакна Реџеп Јавуз, шеф на работната група за туризам на Градскиот совет на Анталија, пренесува Агенција Анадолија (АА).

„Во првите шест месеци од оваа година Анталија ја посетиле 955.000 германски туристи. Заклучно со првата недела од јули, бројот на германски туристи надмина 1 милион“, напиша Јавуз на својот личен блог.

За првпат по пет години, германските туристи ги надминаа руските, кои порано го сочинуваа најголемиот дел од странските посетители.

„Се очекува повеќе од 3 милиони германски туристи да го посетат одморалиштето на турската ривиера оваа година“, додаде тој.