Бројката на загинати лица во земјотресот во Измир се искачи на 39

АНКАРА

Управата за вонредни ситуации при Министерството за внатрешни работи на Турција (АФАД) соопшти дека во земјотресот кој го погоди Измир, загинаа најмалку 39 лица, јавува Агенција Анадолија (АА).

АФАД соопшти дека по разорниот земјотрес се регистрирани уште 658 потресувања на тлото, од кои 40 биле со јачина од околу четири степени.

Од оваа Управа потврдија дека загинаа најмалку 39 лица, а повредени се 885. Пребарувањето и спасувањето и понатаму продолжува во девет згради во Измир.