Брод со мигранти потона кај брегот на Туркије, загинаа 22 лица

ЧАНАККАЛЕ (АА) - Вчера пронајдени се тела на 22 нерегуларни мигранти, меѓу кои и седум деца, кои загинаа при потонување на чамец на надувување крај брегот на северозападна Туркије, а операцијата за пребарување и спасување продолжува, јавува Анадолу.

Илхами Акташ, гувернер на областа Чанаккале, за Анадолу изјави дека „нема веродостојни информации за тоа колку луѓе имало во чамецот“, кој потона во близина на брегот на Еџеабат.

Тој додаде дека несреќата ја преживеале четворица мигранти.

„Се обидуваме да го одредиме бројот на жртвите од разговорите со преживеаните. Има контрадикторни информации“, рече Акташ.

Телата на жртвите се пренесени во болничка мртовечница.

Двајцата преживеани наводно успеале да стигнат до плажата Бујук Кемикли во Еџеабат и ги известиле властите за несреќата.

Во моментот повеќе од 500 луѓе се вклучени во операциите за пребарување и спасување со помош на авиони, два хеликоптери, беспилотни летала и 18 чамци на Командата на крајбрежната стража.

Туркије е главната рута за нерегуларните мигранти кои се обидуваат да преминат во Европа, особено од 2011 година, кога започна граѓанската војна во Сирија.