Балон со туристи падна во Кападокија: Загина еден, повредени се 20 туристи

НЕВШЕХИР (АА) - Најмалку едно лице загина, а 20 се повредени во несреќа којашто се случи утринава при пад на балон со туристи во турскиот регион Кападокија, јавува Anadolu Agency (AA).

Балоните со туристи полетале утринава од платото на туристичката дестинација Гореме, а еден од балоните, при слетување во местото Ортахисар, удрил во столб на електродистрибуција и паднал на тлото.

Според првичните информации од терен, најмалку еден турист загина, а 20-те повредени лица се пренесени во болница.