Алтун: „Изјавата на Бајден за настаните во 1915 година е неоснована, бесправна, несреќна и ништовна“

ИСТАНБУЛ (АА) - Претседателот на Дирекцијата за комуникации на турското Претседателство, Фахретин Алтун, денеска повтори дека изјавата на претседателот на Соединетите Американски Држави (САД), Џо Бајден, во врска со случувањата од 1915 година е неоснована и ништовна, јавува Агенција Анадолија (АА).

„Изјавата на Бајден за настаните од 1915 година е неоснована, бесправна, несреќна и ништовна“, порача Алтун во обраќањето на изложбата „Дипломати шехиди“, отворена во спомен на турските дипломати што беа убиени од страна на ерменските терористички организации.

Алтун истакна дека популистичките изјави претставуваат опасност за заедничкиот живот.

„Популистичките изјави се напад на нашиот заеднички живот на овие простори“, ​​рече Алтун и додаде:

„Овие напади нема да го растурат нашето братство. Напротив, дополнително ќе го зајакнат.“

- „Турција продолжува со одлучната борба против тероризмот“ -

Шефот на Одделот за комуникации при турското Претседателство ја повтори одлучноста на Турција во борбата против терористичката организација ПКК.

„Нема да престанеме да се бориме против терористичките организации, нивните спонзори и менталитетот што ги промовира државните удари“, истакна Алтун.

Тој додаде дека настаните од 6 до 8 октомври 2014 година се дел од обидите за напад на Турција преку тероризмот. Судскиот процес за масакрот од страна на терористите на ПКК врз десетици цивили треба да започне денес.

„Сторителите ќе одговараат за стореното пред судството во кое имаме целосна доверба“, нагласи Алтун.

Во својата над 35-годишна терористичка кампања против Турција, ПКК, којашто се наоѓа на листата терористички организации на Турција, САД и Европската Унија, е одговорна за смртта на најмалку 40.000 луѓе, меѓу кои жени и деца.