Акар: Турските сили во последните 3 дена неутрализираа 13 терористи на ПКК во северна Сирија и Ирак

КАЈСЕРИ (АА) - Турските безбедносни сили за три дена неутрализираа 13 терористи на ПКК во северна Сирија и Ирак, соопшти денес турскиот министер за национална одбрана, Хулуси Акар, јавува Анадолу.

„Во операциите спроведени синоќа неутрализирани се уште пет терористи. Со тоа, за три дена неутрализирани се 13 терористи во северна Сирија и Ирак“, изјави Акар на настан во централната турска област Кајсери.

„Борбата [против тероризмот] продолжува со зголемено темпо, со истата одлучност и истрајност“, додаде Акар.

Во својата над 35-годишна терористичка кампања против Туркије, ПКК, којашто е ставена на листата на терористички организации од страна на Туркије, Соединетите Американски Држави и Европската Унија, е одговорна за смртта на над 40.000 луѓе, меѓу кои и деца и жени. Таа, исто така, има свој огранок во северна Сирија познат како ЈПГ.