„Неуспехот на терористичката СДС да се интегрира во армијата му штети на интегритетот на Сирија“

ИСТАНБУЛ (АА) - Турското Министерство за национална одбрана денес објави дека неуспехот на терористичката организација Сириски демократски сили (СДС) да се интегрира во сириската армија им штети на политичкиот и територијалниот интегритет на земјата, известува Анадолу.

На неделниот брифинг за медиумите турското Министерство за национална одбрана информираше:

„Неуспехот на терористичките СДС да ги исполнат ветувањата за разоружување и интеграција ги загрозува сириското единство, територијалниот интегритет и турската национална безбедност.“

Во соопштението се наведува дека Турција ќе продолжи да го следи процесот и, кога е потребно, „ќе ѝ обезбеди поддршка на Сирија за да придонесе и за стабилноста на Сирија и за безбедноста на Турција“.

На 10 март сириското Претседателство го објави договорот за интегрирање на СДС во државните институции, нагласувајќи го територијалниот интегритет на земјата и отфрлајќи каква било сепаратистичка агенда.