Скопје: Граѓаните го следеа преносот од првиот настап на Северна Македонија на Европско првенство во фудбал

СКОПЈЕ

Скопските граѓани во паркот Нирнберг во општина Аеродром во Ново Лисиче го следеа преносот на натпреварот Северна Македонија - Австрија, што е прв настап на Северна Македонија на Европско првенство во фудбал, јавува Агенција Анадолија (АА).

Атмосферата на преносот на натпреварот беше одлична, а присуствуваа бројни граѓани кои ја бодреа репрезентацијата на Северна Македонија.

Фудбалската репрезентација на Република Северна Македонија загуби со резултат 3:1 против репрезентацијата на Австрија во рамките на натпреварот од Група „Ц" од ЕУРО 2020.

Во 18 минута Австрија поведе со голот на Лаинер, a 10 минити подоцна, односно во 28 минута, капитенот на Северна Македонија, Горан Пандев ја искористи грешката на противникот и успеа да постигне гол со кој израмни на 1-1. Ова беше првиот гол на репрезентацијата на Северна Македонија на нејзиниот дебитантски натпревар на едно Европско првенство во фудбал, а за Пандев 38 погодок во репрезентативниот дрес.

Овој момент предизвика вистинска еуфорија и радост кај собраните навивачи кои долго ќе го паметат првиот настап на домашната репрезентацја на Европско првенство во фудбал.

Првото полувреме од натпреварот заврши нерешено.

Во второто полувреме Австрија го презеде водството со голот на Михаел Грегорич во 78 минута од натпреварот, а во 89 минута Грегорич успеа да постигне гол и да зголеми на 3:1 за Австрија, што беше и конечен резултат од овој натпревар.

Натпреварот Северна Македонија - Австрија се играше во Букурешт, главниот град на Романија.

Наредниот натпревар избраниците на селекторот Игор Ангеловски го играат в четврток, на 17 јуни против Украина.

Во Групата „Ц" освен Северна Македонија и Австрија, се и репрезентациите на Украина и Холандија.