Северна Македонија на 73. место на ранг-листата на ФИФА

СКОПЈЕ

Репрезентацијата на Република Северна Македонија, според најновата ранг-листа на Меѓународната фудбалска федерација (ФИФА), со пад за 5 места се најде на 73. место, јавува Anadolu Agency (AA).

На ранг-листата за месец јуни објавена на интернет-страницата на ФИФА, по двата пораза на домашен терен, од Полска со 0 : 1 и од Австрија со 1 : 4, репрезентацијата на Република Северна Македонија доживеа пад од 5 места, и од претходните 1.350 поени, во моментов, со 1.333 поени се наоѓа на 73. место на ранг-листата на ФИФА.

Репрезентацијата на Белгија, зголемувајќи го своето бодовно салдо за 9 поени, со 1.746 поени останува на лидерската позиција на листата на ФИФА. Покрај Белгија, своите места на листата ги задржаа Франција, Бразил и Англија, кои се на втората, третата и четвртата позиција.

Меѓу земјите од Балканот, најдобро пласирана е Хрватска, на 6. место. Следуваат Србија на 34-то, Турција на 37. место, Босна и Херцеговина на 39-то, Грција на 52. место, Црна Гора 53-то, Бугарија 57. место, Словенија 65. и Албанија на 66. место.

Следната ранг-листа на ФИФА ќе биде објавена на 25 јули. Според најновата ранг-листа, првите 10 репрезентации се: