Резултати од натпреварите во Лига на шампиони: Јувентус дома загуби од Манчестер Јунајтед
- Синоќа се одиграа 8 натпревари од 4. коло во групите Е, Ф, Г и Х на Лигата на шампиони
Istanbul
ИСТАНБУЛ (АА) - Синоќа во рамките на 4. коло се одиграа 8 натпревари во групите Е,Ф, Г и Х од Лигата на шампиони, јавува Anadolu Agency (AA).
Најголемото дерби се одигра во групата Х, каде италијанскиот претставник Јувентус на домашен терен го пречека англискиот претставник Манчестер Јунајтед. Гостите извојуваа победа од 1:2, иако домаќинот преку Кристијано Роналдо поведе со 1:0 во 68. минута од натпреварот. Со погодокот на Хуан Мата во 86. и автоголот на Алекс Сандро во 89. минута, Манчестер Јунајтед дојде до посакуваната победа против Јувентус во гости.
Екипата на Реал Мадрид, која последните три години е освојувач на Купот на Лигата на шампиони, на гостинскиот терен на чешката екипа Викторија Пилзен извојува убедлива победа од 0:5.
Погодоците за Реал Мадрид ги постигнаа Карим Бензема во 20. и 37. минута, Карлос Каземиро во 23., Герет Бејл во 40. и Тони Крос во 67. минута од натпреварот.
Бензема на овој натпревар успеа да го постигне својот 200. погодок во дресот на Реал Мадрид, успех, што пред него им појде од рака на Алфредо Ди Стефано, Ференц Пушкаш, Карлос Сантилјана, Хуго Санчез, Раул и Кристијано Роналдо.
Во групата Ф, англискиот претставник Манчестер Сити на домашен терен го пречека украинскиот претставник Шахтјор. Сити извојува убедлива победа со 6:0, а погодоците ги постигнаа Давид Силва во 13. минута, хет-трик Габриел Џесус со погодоците во 24., 72. и 90. минута, Рахим Стерлинг во 48. и Ријад Марез во 84. минута.
По одиграното 4. коло во Лигата на шампиони, резултатите од одиграните натпревари и табеларен приказ во групите Е, Ф, Г и Х:
Група Е:
Бенфика - Ајакс 1:1
Баерн Минхен - АЕК 2:0
| Екипа | Н | П | Н | П | П | П | Раз | Поени |
| Баерн Минхен | 4 | 3 | 1 | 0 | 7 | 1 | 6 | 10 |
| Ајакс | 4 | 2 | 2 | 0 | 6 | 2 | 4 | 8 |
| Бенфика | 4 | 1 | 1 | 2 | 4 | 6 | -2 | 4 |
| АЕК | 4 | 0 | 0 | 4 | 2 | 10 | -8 | 0 |
Група Ф:
Манчестер Сити - Шахтјор 6:0
Олимпик Лион - Хофенхајм 2:2
| Екипа | Н | П | Н | П | П | П | Раз | Поени |
| Манчестер Сити | 4 | 3 | 0 | 1 | 12 | 3 | 9 | 9 |
| Олимпик Лион | 4 | 1 | 3 | 0 | 9 | 8 | 1 | 6 |
| Хофенхајм | 4 | 0 | 3 | 1 | 8 | 9 | -1 | 3 |
| Шактар Донетск | 4 | 0 | 2 | 2 | 4 | 13 | -9 | 2 |
Група Г:
ЦСКА Москва - Рома 1:2
Викторија Пилзен - Реал Мадрид 0:5
| Екипа | Н | П | Н | П | П | П | Раз | Поени |
| Реал Мадрид | 4 | 3 | 0 | 1 | 10 | 2 | 8 | 9 |
| Рома | 4 | 3 | 0 | 1 | 10 | 4 | 6 | 9 |
| ЦСКА Москва | 4 | 1 | 1 | 2 | 4 | 7 | -3 | 4 |
| Викторија Пилзен | 4 | 0 | 1 | 3 | 3 | 14 | -11 | 1 |
Група Х:
Валенсија - Јанг Бојс 3:1
Јувентус - Манчестер Јунајтед 1:2
| Екипа | Н | П | Н | П | П | П | Раз | Поени |
| Јувентус | 4 | 3 | 0 | 1 | 7 | 2 | 5 | 9 |
| Манчестер Јунајтед | 4 | 2 | 1 | 1 | 5 | 2 | 3 | 7 |
| Валенсија | 4 | 1 | 2 | 1 | 4 | 4 | 0 | 5 |
| Јанг Бојс | 4 | 0 | 1 | 3 | 2 | 10 | -8 | 1 |
