Преглед на колото во петте најголеми фудбалски лиги во Европа
Англискиот премиерлигаш Ливерпул воден од германскиот фудбалски тренер Јирген Клоп во 13. коло како гостин го совлада Кристал Палас со 1:2 и со 37 бода продолжува да биде лидер во Премиер-лигата
ИСТАНБУЛ (АА) - На крајот од ова коло, екипите на Ливерпул, Барселона, Јувентус, Борусија Менхенгладбах и Париз Сен Жермен се лидери во своите национални лиги, пишува Агенција Анадолија (АА).
- Премиер-лига -
Англискиот премиерлигаш Ливерпул воден од германскиот фудбалски тренер Јирген Клоп во 13. коло како гостин го совлада Кристал Палас со 1:2 и со 37 бода продолжува да биде лидер во Премиер-лигата.
„Црвените“ со оваа победа ја продолжија својата серија без пораз во Премиер-лигата на 30 натпревари.
Лестер како гостин го совлада Брајтон со 0:2 и дојде до својата петта последователна победа.
Последниот шампион во Премиер-лигата, екипата на Манчестер Сити, како домаќин го совлада Челси со 2:1.
По 13. коло во Премиер-лигата, Ливерпул води со 37 бода, следува Лестер со 29, а третопласирана е екипата на Манчестер Сити со 28 бода.
- Ла лига -
Лидерот Барселона на гостувањето кај Леганес губеше со 1:0 во првото полувреме, но на крајот се радуваше, совладувајќи го домаќинот со 1:2.
Реал Мадрид на домашен терен го совлада Реал Сосиедад со 3:1.
Атлетико Мадрид одигра нерешено, 1:1 на гостувањето против Гранада, додека Севилја како гостин го совлада Валјадолид со 0:1.
По 14. коло во шпанската Ла лига, Барселона и Реал се лидери на табелата со 28 бода и еден натпревар помалку. Следува Севилја со 27 бода, а на четвртата позиција е Атлетико Мадрид со 25 бода.
- Серија А -
Јувентус во 13. коло од Серијата А ѝ гостуваше на Атланта. По првото полувреме кое заврши без погодоци, домаќините поведоа во вториот дел, но Јувентус постигна 3 погодоци по ред и извојува победа од 1:3.
Интер му гостуваше на Торино. Домаќините не успеаја да постигнат ниту еден погодок, но Интер постигна 3 и со победата од 0:3 продолжува да држи чекор со Јувентус, заостанувајќи само 1 бод.
Лацио му гостуваше на Сасуоло. Гостите извојуваа значајна победа од 1:2, додека Рома на домашен терен со 3:0 ја совлада Бреша.
По 13. коло во Серијата А, Јувентус е лидер на табелата со 35 бода. Следуваат Интер со 34 бода, Лацио со 27 и Рома со 25.
- Бундес-лига -
Лидерот во германската Бундес-лига, екипата на Борусија Менхенгладбах, му гостуваше на Унион Берлин. Домаќините извојуваа важна победа против лидерот од 2:0.
Баерн Минхен кој е шампион на Германија во последните седум години, ѝ гостуваше на екипата на Фортуна Дизелдорф. Гостите извојуваа висока победа од 0:4.
Лајпциг на домашен терен го совлада Келн со 4:1, а Фрајбург одигра нерешено - 1:1 на гостувањето против Баер Леверкузен.
По 12. коло од германската Бундес-лига, Борусија Менхенгладбах е лидер на табелата со 25 бода, следуваат Лајпциг и Баерн Минхен со 24, а Фрајбург и Шалке 04 имаат по 22 бода.
- Лига 1 -
Екипата на Париз Сен Жермен, лидерот во француското фудбалско првенство, на домашен терен го совлада Лил со 2:0.
Олимпик Марсеј на гостувањето во Тулуз дојде до 3 бода по победата од 0:2, а Анжер со 1:0 на домашен терен го совлада Ним.
Бордо на домашен терен го совлада Монако со 2:1, а Сент Етјен одигра нерешено без погодоци - 0:0 против гостинот Монпелје.
По 14. коло ПСЖ продолжува со својата лидерска позиција во француската Лига 1. На втората позиција е Олимпик Марсеј со 25 бода, трет е Анжер со 24, а Бордо и Сент-Етјен се на делбата на ја делат четвртата позиција со по 22 бода.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.