Клубовите од англиската Премиер лига и навивачите и оддадоа почит на кралицата на натпреварите овој викенд

АНКАРА (АА) - Клубовите од англиската Премиер лига и навивачите за време на натпреварите викендов и оддадоа почит на кралицата Елизабета Втора, која почина на 8 септември и ќе биде погребана денес, јавува Агенција Анадолија (АА).

„Оддаваме почит на нејзиниот извонреден живот и придонес за нацијата и светот“, соопштија од лигата во неделата, при што пред секој натпревар беа положени венци на теренот и одржано едноминутно молчење, проследено со аплауз и националната химна, Бог чувај го кралот.

Во 70 минута од натпреварите, навивачите аплаудираа за да го одбележат 70-годишното владеење на кралицата.

Играчите и официјалните лица на натпреварот носеа црни ленти на рацете во знак на почит, а на големите екрани беа прикажувани фотографии, а знамињата на теренот беа спуштени на половина копје.