Алексис Санчез премина во францускиот Олимпик Марсеј

ИСТАНБУЛ (АА) - Чилеанскиот фудбалер Алексис Санчез е новиот член на францускиот прволигаш Олимпик Марсеј, пренесува Агенција Анадолија (АА).

Во соопштението од францускиот клуб е наведено дека е постигнат договор со Санчез и дека по медицинските прегледи ќе потпише договор.

Санчез (33), кој играше за Барселона, Арсенал и Манчестер Јунајтед, неодамна го раскина договорот со Интер.

Санчез постигна 20 гола во 108 натпревари во три сезони со Интер, каде што го освои Првенството, Купот на Италија и Суперкупот.

За репрезентацијата на Чиле постигнал 48 гола во 146 натпревари. Тој е најдобриот стрелец во историјата на репрезентацијата.