Њујорк: 35 повредени во експлозии во фабрика за козметика

ЊУЈОРК (АА) - Меѓу 30 и 35 лица се повредени во две експлозии кои се случија во фабрика за козметика во Њујорк, а меѓу повредените се и седум пожарникари, наведоа официјалните лица, пренесува Anadolu Agency (AA).

Првата експлозија се случила вчера околу 10:15 часот по локално време во меѓународната фабрика за козметика „Verla“ (Верла) недалеку од подрачјето на градот Њујорк.

Пожарникарите кои го гасеа пожарот се наоѓаа во зградата во моментот на втората експлозија во 10:40 часот.

Двајца пожарникари се префрлени на Одделот за изгореници во Медицинскиот центар Вестчестер, но никој од нив не е животно загрозен, наведоа локалните официјални лица.

Сѐ уште нема информации за причините за пожарот кој пожарникарните екипи се обидуваа да го локализираат до доцна во ноќта.

Од споменатата козметичка компанија сѐ уште не се огласија по повод експлозиите.