Јапонскиот режисер Соно се извини за наводите за сексуално вознемирување

ТОКИО (АА) - Јапонскиот режисер и писател Соно Сион се извини, признавајќи дека се однесувал со „непочитување кон оние околу него“, по тврдењата за сексуално вознемирување и напад, пренесува Агенција Анадолија (АА).

Соно одговори на тврдењата објавени во националното списание „Shukan Josei“ дека „вршел притисок врз актерките да имаат секс во замена за улогата“.

Во соопштението што го објави неговата канцеларија, Соно ја признава „својата неразумност како режисер и непочитувањето на оние околу него“, и се извини за предизвиканите непријатности.

Наведувајќи дека некои точки од наводите во медиумите се невистинити, Соно изјави дека ќе преземе правни мерки.

Во јапонската филмска индустрија, филмот „Откривање на љубовта“ (Ai no Mukidashi), во режија на Соно, се смета за едно од „делата што ја нарушуваат довербата“.

Шеесетгодишниот јапонски режисер го издигна своето име на глобалната сцена со продукцијата на „Prisoners of the Ghostland“ од 2021 година, што ја сними за американската холивудска филмска индустрија.