Ahmet Furkan Mercan
14 Јули 2021•Ажурирај: 15 Јули 2021
ТОКИО (АА) - Поради заканувачките регионални воени активности на Кина, Јапонија соопшти дека заканите околу Тајван треба да се следат со перцепција на криза, пренесува Агенција Анадолија (АА).
Извештајот на Министерството за одбрана за 2021 година, одобрен од премиерот Суга Јошихиде, привлекува внимание на воените активности во Јапонија и околните региони.
„За јапонската национална безбедност важно е состојбата во Тајван да се одржи избалансирана. Треба да се посвети поголемо внимание од кога било досега и тоа со ‘перцепција на криза‘“, се истакнува во извештајот.
Во извештајот, кој се осврнува и на регионот на Пацификот, се додава: „Кина забрзано ги натрупува своите воени сили. Промените во рамнотежата на воената моќ меѓу САД и Кина можат да влијаат на мирот на пацифичкиот регион“
Меѓу другото во извештајот се наведува дека напорите на Кина еднострано да се промени состојбата на статус кво околу спорните острови Сенкаку во Источнокинеското Море се опишуваат како повреда на меѓународното право.
