Alyssa Mcmurtry
13 Февруари 2025•Ажурирај: 14 Февруари 2025
ОВИЕДО (АА) - Населението на Шпанија за првпат ја надмина границата од 49 милиони жители, при што целиот пораст е резултат на имиграцијата, покажуваат податоците објавени во четвртокот од Националниот институт за статистика (INE), јавува Анадолу.
Во последниот квартал од 2024 година, населението на Шпанија се зголеми за повеќе од 115.000 луѓе, достигнувајќи вкупно нешто повеќе од 49 милиони жители.
Целиот пораст се должи на имигрантите, кои сега сочинуваат околу една петтина од населението.
Според податоците, бројот на жители родени во странство се зголемил за над 136.000, додека бројот на оние родени во Шпанија се намалил за повеќе од 20.500.
Последните податоци на Националниот институт за статистика (INE) покажуваат дека наталитетот во Шпанија во 2023 година паднал на рекордно ниско ниво од 1,12 деца по жена.
Во последниот квартал од 2024 година, околу 75 отсто од имигрантите дошле од три земји: Колумбија, Венецуела и Мароко.
Илјадници луѓе од Перу, Италија, Хондурас, Аргентина, Еквадор и Украина, исто така, добиле шпанско живеалиште.
Региони со најголем пораст на населението се Мелиља, Валенсија, Мадрид и Каталонија.
И покрај нискиот наталитет во последните години, населението на Шпанија се зголемило за околу 15 милиони од 1971 година.
