Шпанија: Во акција против ДЕАШ уапсени три лица

МАДРИД (АА) - Во акција против терористичката организација ДЕАШ во Шпанија се уапсени три лица, јавува Anadolu Agency (AA).

Шпанското Министерство за внатрешни работи соопшти дека во Барселона се уапсени двајца, а во Валенсија едно лице поради интернет-пропаганда во која се слави и се величи тероризмот и се бараат нови членови.

Притворените лица се на возраст од 26, 37 и 45, а по потекло се од Мароко.

При акцијата се запленети компјутери, други уреди и документи.

Во Шпанија, во последните 2,5 години се фатени 195 лица кои се поврзани со ДЕАШ.