АНКАРА / ИСТАНБУЛ (АА) - Турскиот министер за надворешни работи Хакан Фидан денес се сретна со катарскиот колега Мохамед бин Абдулрахман ал-Тани во Доха, Катар, соопштија турски дипломатски извори, известува Анадолу.

Министерот Фидан пристигна во Доха во дводневна посета, информираа извори од турското МНР, додавајќи дека се очекува неговите средби да бидат посветени на растечкото стратегиско партнерство меѓу двете земји во сите области. Се очекува да се разговара и за нови можности за идна соработка.

Средбите, велат изворите, ќе бидат и подготовка за 11. состанок на Високиот стратегиски комитет на земјите, кој треба да се одржи во Доха оваа година, со кој ќе претседаваат турскиот претседател Реџеп Таип Ердоган и катарскиот емир, шеик Тамим бин Хамад ал-Тани, а ќе се спроведат и консултации за регионални прашања, особено за Газа и Сирија.