Швајцарија загрижена поради израелската копнена офанзива во Либан и повика на дијалог и деескалација тензиите

ЖЕНЕВА (АА) - Швајцарија денес соопшти дека е „длабоко загрижена“ поради безбедносната ескалација во Либан, апелирајќи за дијалог и деескалација меѓу конфликтните страни, јавува Анадолу.

Министерството за надворешни работи на Швајцарија на социјалната мрежа Х објави: „Меѓународното право, вклучително и хуманитарното право, мора да се почитуваат“.

Министерството го објави ова откако израелската војска објави дека започнува „ограничена и насочена“ копнена операција во јужен Либан.

Израел од 23 септември започна масовни воздушни напади против, како што ги нарекува, локациите на Хезболах низ Либан, при што загинаа повеќе од 1.057 луѓе, а беа повредени над 2.950 други, според либанското Министерство за здравство.

Во нападот беа убиени неколку водачи на Хезболах, вклучувајќи го и неговиот лидер Хасан Насрала.

Хезболах и Израел разменуваат прекуграничен оган од почетокот на израелската војна во Газа, во која загинаа речиси 41.600 луѓе, главно жени и деца, по прекуграничниот напад на Хамас минатиот 7 октомври.

Меѓународната заедница предупреди дека израелските напади врз Либан би можеле да го ескалираат тековниот конфликт во Газа во поширока регионална војна.