ИСТАНБУЛ (АА) – Холандската полиција доцна синоќа приведе четири лица по напад врз Амбасадата на Иран во Хаг, соопштија локалните власти, јавува Анадолу.

Инцидентот се случил во округот Шевенинген, каде што неколку лица целеле кон зградата на амбасадата и се обиделе да се искачат преку оградата што го опкружува објектот, пренесе холандската новинска агенција НОС.

Полицијата информираше дека е предизвикана мала или никаква материјална штета на објектот и дека не се пријавени повредени лица.

Осомничените биле приведени во полициска станица на распит, а нивниот идентитет засега не е објавен.

Иран е потресен од бран протести од 28 декември во Техеран, поради наглото намалување на вредноста на иранскиот ријал и влошувањето на економските услови. Подоцна демонстрациите се проширија во неколку градови.

Владини претставници ги обвинија САД и Израел за поддршка на „немирите“ и „тероризмот“.

Нема официјални податоци за жртвите, но Новинската агенција на активисти за човекови права (ХРАНА), група за човекови права со седиште во САД, проценува дека бројот на жртви достигнал повеќе од 2.000, вклучително и припадници на безбедносните сили и демонстранти, а над 1.000 се повредени.

ХРАНА, исто така, објави дека најмалку 10.721 лице се приведени на протестите на 585 локации низ целата земја, меѓу кои и 186 града во 31 провинција.

Иранските дипломатски мисии во неколку земји, исто така, беа цел на напади во последните денови во контекст на протестите.

Активисти ги отстраниja иранските знамиња од амбасадите во Лондон и Мадрид, а во главниот град на Канада, Отава, на зградата на иранската амбасада биле поставени транспаренти и знамиња со протестна содржина.