Ханија: Ние сме во херојска војна за Ал Акса, израелската агресија го досега својот врв

ГАЗА (АА) - Шефот на политичката канцеларија на Хамас, Исмаил Ханија, изјави дека се во историска војна како одговор на израелсите напади на џамијата Ал Акса во Кудс (Ерусалим), известува Анадолу.

Ханија се огласи со писмено соопштение во врска со нападите врз Израел од Појасот Газа, кој е под израелска блокада.

„Во овие историски моменти се наоѓаме во херојска војна чие име е Ал Акса и чија главна причина се злосторничкиот ционистички напад на Ал Акса, нашето светилиште и поради нашите заробеници во израелските затвори, порача Исмаил Ханија, шефот на политичката канцеларија на Хамас.

Наведувајќи дека израелската агресија го досегнала својот врв во последните неколку дена, кога илјадници доселеници го омаловажиле Месџидот Ал Акса, Ханија истакна дека овој чекор е преземен за да се воспостави суверенитет над Месџидот Ал Акса.

Ханија рече дека Израел, кој го блокира Појасот Газа, планира да започне ненадејни напади на Газа и да ги засили нападите врз луѓето во регионот, и сето тоа пропратено со тековното населување на евреите и напади врз Западниот брег.

Бригадата Изедин Касам, военото крило на Хамас, рано утринава објави дека ја започнала операција „Aqsa Flood“ против Израел и извршила ракетни напади врз Израел од блокираниот Појас Газа. Операцијата е започната како одговор на израелските воздушни напади.