Хамза Јусаф положи заклетва како премиер на Шкотска

ЛОНДОН (АА) - Хамза Јусаф положи заклетва како шести премиер на Шкотска, јавува Анадолу.

37-годишниот Јусаф официјално положи заклетва за време на церемонија во Единбург.

Јусаф, кој ја замени Никола Старџен на чело на Шкотската национална партија (СНП), е прв муслиман што предводи голема партија во Обединетото Кралство и прв лидер од етничките заедници на делегираната Влада во Обединетото Кралство.

Во вторникот тој беше избран за премиер од пратениците во шкотскиот Парламент.

Јусаф, кој во 2005 година ѝ се придружи на СНП, беше и прв јужноазиски и прв владин секретар муслиман што служеше во шкотската Влада.

Во мај 2011 година тој беше избран за пратеник во шкотскиот Парламент за регионот Глазгов на 26-годишна возраст, станувајќи најмлад пратеник во шкотскиот Парламент во тоа време.