Двајца загинати при пад на мал авион во Германија

БЕРЛИН (АА) - Две лица загинаа при пад на мал авион во областа Нојшенау во германската покраина Баварија, пренесува Анадолу.

Полицијата соопшти дека мал авион се урнал во близина на баварскиот национален парк, кој се наоѓа на границата со Чешка, во југоисточниот дел од земјата.

Во авионската несреќа животот го загубија две лица.

Во соопштението се наведува дека во тек е истрага за откривање од каде полетал авионот и причината зошто се урнал.