Француските пратеници изгласаа недоверба на Владата на Барние

АНКАРА (АА) – Вечерва падна Владата на францускиот премиер Мишел Барние, откако ѝ беше изгласана недоверба во Националното собрание на земјата, јавува Анадолу.

Вкупно 331 пратеник во Долниот дом на францускиот Парламент гласаа против Владата, надминувајќи го минимумот од 288 потребни гласа за недоверба на администрацијата на Барние.

Ова е првпат по 1962 година француска влада да падне со изгласување недоверба.

За време на расправата пред гласањето, Барние тврдеше дека предлогот „ќе направи сè да биде потешко“.

Тој истакна дека јавните финансии се во многу комплицирана состојба и дека „реалноста“ на буџетот нема да „исчезне со магијата на предлогот за недоверба“.

Тој, исто така, рече дека секоја следна влада, исто така, ќе мора да се соочи со оваа реалност. „Долгот секогаш ќе биде таму“, нагласи тој.

Барние се повика на член 49.3 од Уставот за усвојување на контроверзниот Предлог-закон за буџетот за социјално осигурување во понеделникот, прекинувајќи ја седницата на Националното собрание без дебата.

Пратениците од двете левичарски и десничарски партии го осудија потегот, при што двете страни поднесоа барања за гласање на недоверба на владата.

Десничарската партија Национален собир (РН) објави дека ќе го поддржи предлогот на левичарскиот Нов народен фронт (НФП), потег што ја турна владата на работ, бидејќи на Барние му недостасуваше мнозинство во Долниот дом.

Земјата доживеа политичка нестабилност од јуни, по неуспехот на центристичкиот блок на Макрон и победата на Национален собир на изборите за европратеници.

Како одговор, Макрон повика на предвремени парламентарни избори во два круга на 30 јуни и 7 јули, но ниту една партија не освои доволно гласови (289) за обезбедување апсолутно мнозинство во Долниот дом.

НФП се појави со најмногу гласови и места во Парламентот на изборите претходно годинава, тврдејќи дека има право на премиер од своите редови, но не успеа да предложи кандидат.

По неколку недели внатрешни поделби, НФП ја номинираше Луси Кастес за премиерка на 23 јули.

Сепак, претседателот Емануел Макрон рече дека нема да именува премиер до средината на август, и покрај предлогот и го одби предлогот за кандидатката од левицата.

Тој се соочи со критики за одложување на процесот, поттикнувајќи дополнителна нестабилност откако ја прифати оставката на тогашниот премиер Габриел Атал на 16 јули, откако претходно на 8 јули ја отфрли.

На 5 септември, Макрон конечно го назначи Барние, политичар од десниот центар, поранешен европски комесар и поранешен министер за надворешни работи, за премиер.