Франција е загрижена поради случувањата во Иран

ПАРИЗ (АА) - Француското Министерство за надворешни работи изрази загриженост во врска со последните случувања во Иран, јавува Anadolu Agency (AA).

„Франција е загрижена за големиот број приведени и гоелмиот број загинати“, се наведува во соопштението на министерството.

Се додава дека француските власти внимателно ги следат настаните во таа земја.

Во соопштението се наведува дека слободното собирање на граѓаните е основно право на секое општество.

Во соопштението се додава дека француските официјални претставници во наредните средби со иранските претставници ќе разговараат за протестите и за човековите права во Иран.

Незадоволни од економската ситуација во Иран, демонстрантите во градот Мешхед протестираа во четвртокот, а протестите брзо добија антивладин карактер и се проширија и во други градови низ земјата.

Според официјалните информации, досега во немирите низ иранските градови загинале најмалку 23 лица, а најмалку 500 демонстранти се приведени.