Украинските сили тврдат дека го ослободиле селото Роботин

КИЕВ (АА) - Украинската заменик-министерка за одбрана, Ана Малјар, објави дека Украина го ослободила селото Роботин од руските сили на јужниот фронт, јавува Анадолу.

Соопштението за ситуацијата на фронтот е споделено на социјалните мрежи на Министерството за одбрана на Украина.

Малјар наведе дека украинската војска постигнала значителен успех на јужниот фронт.

„Роботинјаните се спасени и нашите војници напредуваат југоисточно од тоа населено место“, истакна Малјар.

Таа напомена дека украинската војска продолжува да напредува во правец на Бахмут на источниот фронт. Малјар додаде дека во правецот на Бахмут досега е ослободена површина од околу 44 квадратни километри.