Украина и Германија се договорија за одржување итен состанок на Г7

АНКАРА (АА) - Украинскиот претседател, Владимир Зеленски, денес, по најновите руски напади на Киев и други украински градови, рече дека се договорил со германскиот канцелар Олаф Шолц за одржување итен состанок на групата Г7, пренесува Агенција Анадолија (АА).

Во телефонскиот разговор со Шолц, со оглед на тоа што Германија претседава со Г7 од 1 јануари 2022 година, Зеленски рече дека се договориле за одржување итен состанок.

„Мојот говор е закажан, во кој ќе раскажам за терористичките напади од РФ [Русија]. Разговаравме и за прашањето за зголемување на притисокот врз РФ и за помош во обновување на оштетената инфраструктура“, додаде украинскиот претседател на Твитер.

Зеленски одржа телефонски разговор и со неговиот француски колега Емануел Макрон, во кој разговараше за зајакнувањето на воздушната одбрана на Украина, како и за зголемениот притисок врз Русија.

„Франција стои покрај Украина“, напиша Зеленски на Твитер.

Во третиот телефонски разговор денес, Зеленски разговараше со катарскиот емир Тамим бин Хамад ал Тани и му се заблагодари за „одлучната поддршка за суверенитетот и територијалниот интегритет на Украина“.

Утринава, во руските напади на Киев загинаа најмалку осум лица.