Турција и Египет со заеднички пристап кон регионалните кризи и го осудија планот на Израел за окупација на Газа

АНКАРА (АА) - Египетскиот министер за надворешни работи, Бадр Абделати, денес објави консензус со Турција за начините за справување со тековните кризи што го засегаат регионот, по средбата со турскиот министер за надворешни работи, Хакан Фидан, во Ел Аламејн, Египет.

На заедничка прес-конференција, Абделати ја опиша сегашната фаза на односите меѓу Египет и Турција како „значаен момент на стратешко усогласување“.

Тој ја нагласи „заедничката осуда на одлуката на Израел да ја окупира Газа“.

Министрите ја потврдија својата „заложба за обединување на напорите и користење на сите расположиви средства за справување со израелскиот план за окупација и неговите последици“, соопшти египетски официјален претставник.