Турските и руски сили ја извршија 17. заедничка контролна патрола во Идлиб

АНКАРА

Турските и руски вооружени сили ја извршија 17. заедничка патрола долж клучниот автопат М4 на североисточниот дел на Сирија, јавува Агенција Анадолија (АА).

Министерството за одбрана на Република Турција соопшти дека патролата е извршена со учество на копнените и воздушни елементи.

Соопштено е дека за време на патролата едно возило е оштетено поради експлозија на непозната направа.

„Во согласност со договорот/протоколот за спроведување на заеднички контролни патроли, турските и воздушни сили ја извршија 17. патрола на автопатот М4 во Идлиб“, се наведува во соопштението на Министерството.

Автопатот М4, исто така познат како патен правец Алепо - Ал Хасека, се наоѓа на 30 километри од јужната граница на Турција.

Турција и Русија се согласија на протоколот со кој ги повикуваат сите страни во Идлиб за прекин на огнот, a турските и рускитe сили, како гаранти на примирјето, заеднички спроведуваат контролни патроли по должината на линиите за раздвојување, или по Автопатот М4. Заедничките патроли започнаа на 6 март.