ТУНИС (АА) - Стотици лица во северноафриканската држава Тунис, особено во главниот град Тунис, организираа протести против полицискиот час што се спроведува од страна на властите со цел спречување на ширењето на новиот вид коронавирус (Ковид-19), јавува Агенција Анадолија (АА).

Министерството за здравство на Тунис во рамки на мерките против Ковид-19 спроведува полициски час од 14 јануари.

За време на протестите во местото Тадамен во Тунис, настанаа и тензии меѓу демонстрантите и безбедносните сили.

Безбедносните сили интервенираа со солзавец врз демонстрантите.

Во некои градови во земјата се организираа протести против полицискиот час, при што често интервенираа безбедносните сили.

Исто така, за време на протестите приведени се стотици лица. Демонстрантите бараат ослободување на приведените лица.