Три лица загинаа при пад на хеликоптер во Индија

ЊУ ДЕЛХИ (АА) - Двајца пилоти и едно лице загинаа при пад на хеликоптер во западна Индија, потврдија локалните полициски власти, известува Анадолу.

Несреќата се случи во Пунеу, во западната држава Махараштра, кога хеликоптер падна кусо по полетувањето.

„Двајца пилоти и инженер загинаа“, изјави претставникот на полицијата, Вишал Гаиквад.

На снимките и фотографиите од несреќата се забележува дим кој се издига од паднатото летало.

Истрагата за несреќата ќе ја води индиската Дирекција за цивилно воздухопловство.