Токио: Бајден се состана со јапонскиот цар Нарухито

ТОКИО (АА) - Американскиот претседател Џо Бајден се состана со јапонскиот цар Нарухито, пренесува Агенција Анадолија (АА).

Бајден, кој ја започна својата прва азиска турнеја откако ја презеде функцијата во јануари 2021 година, ги продолжува средбите во Јапонија, каде што пристигна по посетата на Јужна Кореја.

Претседателот на САД во Царската палата во Токио се сретна со царот Нарухито.

Според веста на државниот сервис „НХК“, средбата меѓу Нарухито и Бајден траела половина час.

По средбата, Нарухито и Бајден се фотографираа пред медиумите.

Од друга страна, во соопштението на Белата куќа се вели дека средбата е реализирана со цел укажување на моќта на јапонско-американските односи.