Токаев: „Случувањата во јануари од корен ја променија состојбата во Казахстан“

НУР СУЛТАН

Претседателот на Казахстан, Касим Џомарт Токаев, изјави дека настаните во јануари радикално ја промениле ситуацијата во земјата, пренесува Агенција Анадолија (АА).

Токаев присуствуваше на првиот проширен состанок на новата влада, предводена од Алихан Исмаилов минатиот месец.

Тој присуствуваше на состанокот преку видеолинк.

„Настаните од јануари радикално ја променија ситуацијата во Казахстан“, рече Токаев.

Тој додаде дека е зголемен бројот на задолжени во земјата и дека речиси милион луѓе не можат да си ги покријат трошоците со плата.

Тој потенцираше и како ќе се вратат финансиските средства што незаконски биле пренесени во странство.

„Ѝ наредувам на Владата да развие предлог во рок од два месеци за враќање на финансиските средства извезени во странство, како и имотот стекнат таму“, рече Токаев.

Претходно, претставникот на Парламентот на Казахстан, Максат Раманкулов, ја сподели информацијата дека во последните 25 години од Казахстан на офшор сметки на компании во странство се префрлени меѓу 140 и 160 милијарди долари.