Ali Murat Alhas
10 Април 2019•Ажурирај: 10 Април 2019
РИЈАД (АА) - Американскиот претседател, Доналд Трамп, и саудискиот принц Мухамед бин Сeлман денес телефонски разговараа за регионалните случувања, се соопштува од саудиското Министерство за надворешни работи, пренесува Anadolu Agency (AA).
Во соопштението се вели дека двајцата лидери дискутирале за билатералните односи и неодамнешните случувања на регионално и меѓународно ниво.
Двајцата лидери, исто така, разговарале и за мерките кои се потребни за спречување на тероризмот поддржуван од Иран, кој претставува закана за меѓународната стабилност и безбедност.
Имено, телефонскиот разговор денес се случи откако администрацијата на Трамп им забрани влез во САД на 16 саудиски државјани поради нивна вмешаност во минатогодишното убиство на Џамал Кашоги.
