Hakan Çopur
19 Мај 2022•Ажурирај: 20 Мај 2022
ВАШИНГТОН (АА) - Џорџ В. Буш, кој за време на инвазијата врз Ирак во 2003 година беше претседател на Соединетите Американски Држави (САД), со грешката во својата изјава за Украина, употребувајќи го изразот „Еден човек на целосно нелегитимен и безмилосен начин донесе одлука да го нападне Ирак“, се најде во центарот на светската агенда, јавува Агенција Анадолија (АА).
Гафот што поранешниот американски претседател Буш го кажа во своето обраќање на настанот на кој присуствуваше вчера во Далас, се најде на агендата на социјалните мрежи.
Во својот говор Буш рече: „Резултатот од сево ова беше тоа што во Русија се изгуби балансот и контролата и еден човек на целосно нелегитимен и безмилосен начин донесе одлука да го нападне Ирак.“
Кога ја увиде грешката, Буш се поправи и низ блага насмевка рече „Мислам, Украина“.
Гафот на Буш за Ирак во салата предизвика длабок молк, а потоа говорот тој го продолжи со зборовите: „И Ирак, исто така... Како и да е“, што предизвика смеа во салата.
Додека видеото со изјавата на Буш за инвазијата на Ирак за кусо време се распространи на социјалните мрежи, голем број луѓе напишаа дека „потсвеста на Буш за тоа кој го нападна Ирак се рефлектира во неговите зборови“.
