ДАМАСК / ИСТАНБУЛ (АА) – Израелските армиски сили приведоа еден Сириец во нов упад во јужната покраина Дара, што претставува најново нарушување на суверенитетот на земјата, објавија локалните медиуми денес, јавува Анадолу.

Државната телевизиска станица „Алихбарија“ јави дека израелските сили напредувале во селото Ал-Арида во Западна Дара на полноќ.

Израелските војници упаднале во куќата на едно сириско семејство и привеле еден млад граѓанин, објави медиумот.

Израелската армија или сириските власти не дадоа веднаш коментар за извештајот.

Податоците на сириската Влада покажуваат дека од декември 2024 година Израел извршил над 1.000 воздушни напади врз Сирија и повеќе од 400 прекугранични напади врз јужните провинции.

По падот на режимот на Башар ал-Асад кон крајот на 2024 година Израел ја прошири својата окупација на сирискиот дел од Голанската Висорамнина со заземање на демилитаризираната тампон-зона, потег со кој се прекрши договорот со Сирија од 1974 година.