Силен тајфун во јужниот дел на Јапонија: Запрен воздушниот и железнички сообраќај

ТОКИО (АА) - Јужниот дел на Јапонија утринава беше погоден од силниот тајфун Талим пропратен со силни ветрови и врнежи. Запрен е воздушниот и железничкиот сообраќај, пренесува Anadolu Agency (AA).

Јапонската метеоролошка агенција јави дека тајфунот со брзина од 162 километри на час утринава го погодил јужниот остров Кјушу и дека постои опасност од појави на цунами, поплави и свлечишта.

Поради силното невреме откажани се речиси 700 летови, а локалната железничка компанија објави дека прометот е прекинат на сите големи линии во регионот.

Метеоролозите најавуваат дека тајфунот треба да продолжи кон север, при што обилните врнежи ќе се „преселат“ и во Токио и другите делови на Јапонија.