Силен земјотрес го погоди северниот дел на Чиле

БОГОТА (АА) - Земјотрес со јачина од 7,4 степени според Рихтеровата скала го погоди северниот дел на јужноамериканската држава Чиле, јавува Анадолу.

Американскиот геолошки институт (USGS) објави дека епицентарот на земјотресот бил Сан Педро де Атакама во областа Антофагаста.

Регистриран е на длабочина од околу 117 километри.

Не е издадено предупредување за цунами, а засега не се регистрирани човечки жртви или материјална штета.

Земјотресот беше почувствуван и во Такна и Арекипа, јужните региони на Перу, а предизвика паника кај граѓаните.

Во соопштението на Поморската хидрографска и океанографска служба (SHOA) се наведува дека нема неопходни услови за да се активира предупредување за цунами по должината на чилеанскиот брег.