СЗО: Во светот најмалку 115.000 здравствени работници го загубија животот во борбата против Ковид-19

ЖЕНЕВА

Директорот на Светската здравствена организација (СЗО), Тедрос Аданом Гебрејсус, порача дека најмалку 115.000 здравствени работници го загубиле животот во борбата против новиот коронавирус, јавува Агенција Анадолија (АА).

„Околу 18 месеци здравствените работници и негуватели низ светот стојат меѓу животот и смртта. Спасија безброј животи“, изјави Гебрејсус на заседанието на Светското здравствено собрание (DSA), највисокото тело на СЗО, во Женева.

Тој истакна дека голем број здравствени работници, работејќи ја својата работа, биле заразени со коронавирусот низ светот.

Гебрејсус изјави дека претпоставува дека најмалку 115.000 здравствени работници, водејќи сметка за другите, платиле со своите животи.

Тој смета дека сите би требало да го сторат она што е во нивна моќ да ги заштитат животите на здравствените работници.

Гебрејсус нагласи дека произведувачите би требало да ја зголемат понудата на заштитна лична опрема.

Генералниот директор на СЗО нагласи дека многу здравствени работници низ светот се чувствуваат беспомошно и ранливо поради недостатокот на пристап до лична заштитна опрема, вакцини и други алати за спасување животи.

Наведувајќи дека здравствените работници прават „херојски“ дела, а дека не се „суперхерои“, Гебрејсус изјави: „Тие се луѓе како нас. Се потат, се лутат, се смеат и плачат.“

Гебрејсус стана и им аплаудираше на здравствените работници што се борат против Ковид-19 низ светот.