ТЕЛ АВИВ (АА) - Семејствата на израелските заробеници и групите кои ги поддржуваат одржаа протести во Тел Авив и Ал-Кудс и ја повикаа Владата да склучи договор за спасување на затворениците, јавува Анадолу.
Група од околу петстотини луѓе се собраа во просторот пред музејот на Израел во Тел Авив, кој го нарекоа „Плоштад на заложниците“.
Демонстрантите, кои бараа израелската Влада што е можно поскоро да склучи договор за размена на заробеници со палестинската страна за да им се дозволи на заробениците да се вратат, често извикуваа слогани „Веднаш“.
Носејќи транспаренти „Вратете ги (заробениците)“ и фотографии од заробениците, тие се движеа кон улицата Капланова, каде што е сместено Министерството за одбрана. Додека некои демонстранти се разотидоа одовде, некои го продолжија својот марш и стигнаа до патот Ајалон, еден од главните патишта во градот.
Забележано е дека полицијата накратко ги предупреди демонстрантите кои го блокираа патот, но не интервенираше.
Друга група роднини на заробениците се собраа на плоштадот во западниот дел на Ал-Кудс (Ерусалим) и маршираа кон резиденцијата на израелскиот премиер Бенјамин Нетанјаху.
Пристигнувајќи во шаторите што претходно ги поставија пред резиденцијата на Нетанјаху, насобраните упатија слични критики кон Владата и побараа спасување на заробениците во Газа.
Военото крило на Хамас, Бригадите Ал-Касам, започна сеопфатен напад врз Израел на 7 октомври 2023 година, врз основа на „одговор на континуираното кршење на Палестинците и светите вредности, особено на Месџид ал-Акса“, а тогаш многу Израелци беа заробени.
Осумдесет и еден израелски и 240 палестински затвореници беа ослободени за време на „хуманитарната пауза“ во конфликтот во Газа, што беше одредена на четири дена на 24 ноември, а подоцна беше продолжена за уште три дена.
Според израелската Армија, во Појасот Газа сѐ уште има 136 израелски затвореници.
