Се урна четирикатница во Индија, загинаа 2 лица

АНКАРА

Во Њу Делхи, главниот град на Индија, се урна четирикатница во изградба. Во несреќата животот го загубија две лица, а три се повредени, јавува Anadolu Agency (AA).

Според веста што ја објави „Хиндустан тајмс“ (Hindustan Times), во североисточниот дел на Њу Делхи, во подрачјето на Силампур се урнала четирикатница во изградба, а во несреќата животот го загубиле две лица, додека три се повредени.

Се претпоставува дека под урнатините на зградата се заглавени уште најмалку пет лица.

Во тек се операции за извлекување на лицата што се наоѓаат под урнатините.